14. desember 2010 10:48

Litlu-jólum flýtt vegna veðurútlits

Vegna slæms veðurútlits nk. föstudag, hefur verið ákveðið að hafa litlu-jólin í Stórutjarnaskóla einum degi fyrr en áætlað var, þ.e. fimmtudaginn 16. desember.  Þann dag bregðum við út af hefðbundnum skólatíma og byrjum skólastarf ekki fyrr en kl 11:00.

Nemendur mæta prúðbúnir í skólann og fara fyrst með umsjónarkennurum sínum í heimastofur, hlýða á jólasögu og skiptast á jólakortum.  Kl. 12:00 verður snæddur hátíðarmatur, þar sem saman koma nemendur og starfsfólk.  Að máltíð lokinni hefst dagskrá litlu-jólanna í sal skólans.  Þar ætlum við að eiga notalega stund, sem lýkur með því að dansað verður kringum jólatré að hefðbundnum hætti.  Heimferð er áætluð um kl 14:30
 

Leikskólanemendur í Tjarnaskjóli eiga líka að koma á litlu-jólin á sama tíma og aðrir þannig að dagskráin verður eins hjá öllum.
 

Að litlu-jólunum loknum eru allir nemendur Stórutjarnaskóla komnir í jólafrí.  Skóli hefst á nýju ári þriðjudaginn 4. janúar samkvæmt stundaskrá.  Það á við um allar deildir skólans.

Með jóla- og nýársóskum,
kennarar

Til baka

yfirlit frétta