27. apríl 2011 07:27

Grænfáninn

Tilkynning til foreldra í Stórutjarnaskóla og annarra íbúar Þingeyjarsveitar

Í dag, miðvikudaginn 27. apríl, munu nemendur og starfsfólk Stórutjarnaskóla taka á móti Grænfána Landverndar. Foreldrum og öðrum íbúum sveitarinnar er boðið að koma og vera viðstaddir athöfnina. Þetta verður væntanlega gleðileg stund en Grænfáninn er afhentur sem viðurkenning á því starfi sem unnið hefur verið í Stórutjarnaskóla að umhverfismálum í víðasta skilningi. Til marks um það mun fáninn blakta öllum stundum á meðan áfram verður unnið að sömu málefnum, en Grænfánann þarf að endurnýja með vissu árabili. Athöfnin hefst kl. 13:10 og að henni lokinni verður boðið upp á hressingu.