27. maí 2011 21:45

Vorhátíð í Bárðargili

Miðvikudaginn 25. maí var vorhátíð og jafnframt síðasti dagurinn í Bárðargili. Það átti að vera hjóladagur en vegna snjóa var ákveðið að breyta til og hafa dótadag. Börnin mættu kát og glöð með dótið sitt og léku sér vel og lengi og þau fengu líka andlitsmálningu. Um hádegisbilið mættu svo foreldrar í grillveislu og luku vetrinum með okkur.

Við krýndum börnin með sumarkórónum og útskrifuðum Róbert Má en hann ætlar að byrja í 1. bekk í haust. Þetta var skemmtileg stund og góður endir á frábærum vetri. Við þökkum yndislegu börnunum okkar og frábæru foreldrum þeirra fyrir veturinn og sjáumst hress og kát í haust.