8. október 2013 10:38

Menning

Bráðskemmtileg söngdagskrá

Mánudaginn 7. október komu hingað í Stórutjarnaskóla þrjár ágætar konur. Þetta voru þær Eyrún Unnarsdóttir, Helena Guðlaug Bjarnadóttir og Sigrún Magna Þorsteinsdóttir. Þær fluttu fyrir okkur bráðskemmtilega söngdagskrá, þar sem þær Eyrún og Helena Guðlaug sungu ýmis þekkt lög við undirleik Sigrúnar Mögnu.

Fyrst fluttu þær lögin í sinni upprunalegu mynd, við upprunalega texta en að því loknu sungu allir viðstaddir viðkomandi lög eins og við Íslendingar höfum aðlagað þau okkar tungu og menningu. Samanburðurinn var lærdómsríkur og skemmtilegur. Hér voru á ferðinni lög eins og Hann Tumi fer á fætur, Það búa litlir dvergar og Vorvindar glaðir, svo einhver lög séu nefnd. Þetta var hin ágætasta stund, hámenningarleg og mannbætandi og færum við þeim stöllum bestu þakkir fyrir heimsóknina.  Myndir frá dagskránni eru hér.

Myndir: jr

Til baka

yfirlit frétta