14. september 2022 09:36

Sprett úr spori

Skólahlaup

Föstudaginn 9. september tóku nemendur og starfsfólk Stórutjarnaskóla þátt í Ólympíuhlaupi ÍSÍ. Með verkefninu er leitast við að hvetja nemendur skólanna til þess að hreyfa sig reglulega og stuðla þannig að betri heilsu og vellíðan. Nemendur geta valið á milli vegalengdanna 2,5 km, 5 og 10 km. Að hlaupinu loknu fær hver þátttakandi og hver skóli viðurkenningarskjal þar sem greint er frá árangri. Það skal tekið fram að hér er fyrst og fremst lögð áhersla á holla hreyfingu og að allir taki þátt.

Að þessu sinni var hlaupið um Hálmelana og niður á Bjarmavöll. Þeir sem lengst hlupu tóku líka sprett inn að starfsstöð Skógræktarinnar í Vaglaskógi. Veðrið var eins og best verður á kosið og áttum við yndislegan dag í fallegu umhverfi. Myndir hér.

Myndir: jr

Til baka