Hópur III 7. - 8. bekkur: 22. ágú. 2011

Hópur IV - 7. - 8. bekkur veturinn 2011-2012

Hópur IV 9. - 10. bekkur: 22. ágú. 2011

Hópur V - 9. - 10. bekkur veturinn 2011-2012

Leikskólinn Tjarnaskjól: 22. ágú. 2011

Hópur I - 1. - 2. bekkur veturinn 2011-2012

Hópur I 1. - 3. bekkur: 29. ágú. 2006

Hópur II - 3.-4. bekkur 2011-2012

26. janúar 2012 11:47

Bárðargil, Tjarnaskjól, tónlistarskólinn og grunnskólinn

Foreldradagur í Stórutjarnaskóla

Foreldradagur verður í Stórutjarnaskóla miðvikudaginn 1. febrúar. Þann dag gefst foreldrum/forráðamönnum kostur á að koma í Stórutjarnaskóla og Bárðargil og ræða við kennara barna sinna. Fyrir leikskólabörnin er um að ræða u.þ.b. 20 mín. viðtal hjá leikskólakennara en fyrir grunnskólanemendur er gert ráð fyrir 15 mín. viðtölum. Allt skólastarf í leikskólum, tónlistarskóla og grunnskóla, fellur niður þennan dag. Grunnskólanemendur eiga að koma með foreldrum sínum í þessi viðtöl og fá afhent námsmat sitt. Leikskólanemendur eiga hins vegar ekki að koma með foreldrum sínum í þessi viðtöl. Nánari tímasetningar eru væntanlegar heim með börnunum fyrir helgina.

Með góðri kveðju,
starfsfólk Stórutjarnaskóla

meira...

20. janúar 2012 11:20 (1 lesandi hefur sagt álit sitt)

Útiskólinn og listaverk Kára á annaskilum

Fjölbreyttni náms og náttúru

Nú hafa nemendur lagt að baki fyrri hluta vetrarstarfsins og síðasti valtími nemenda í 9. og 10. bekk í matreiðslu er því afstaðinn. Til að rétta af grænmetisslagsíðuna í næsta tíma á undan fengu nú nemendur að gera eitthvað miklu betra. Af hjartans list voru framleiddar bollakökur af mismunandi gerðum og það var gaman að fylgjast með því hvernig hver samstarfshópur leysti sitt verkefni.

meira...

16. janúar 2012 09:37

Prófavika

Æfingar óbreyttar í vikunni en félagsmálakvöld fellur niður

Þessa vikuna stendur yfir miðsvetrarmat í Stórutjarnaskóla. Af þeim sökum fellur niður félagsmálakvöldið sem annars ætti að vera á fimmtudagskvöld. Æfingar á vegum ungmennafélaganna verða hins vegar óbreyttar á venjulegum tímum.

meira...

10. janúar 2012 17:15 (1 lesandi hefur sagt álit sitt)

Stórutjarnarskóli stefnir að því að verða heilsueflandi skóli

Svívirðileg uppskrift

Nú hafa aðstandendur Stórutjarnaskóla sótt um og fengið þáttökurétt í verkefninu Heilsueflandi skólar. Til að fagna því fengu nokkrir nemendur í 9. og 10. bekk það verkefni í matreiðslu að elda spínat-mandarínusalat m.m. Ekki gekk það nú hljóðalaust fyrst í stað og höfðu flestir sitt að segja um svona svívirðilega uppskift í kjölfar jóla. Engu að síður bragðaðist salatið aldeilis ágætlega eins og mynd-irnar bera með sér sem bendir til að ekki sé alltaf mikið mark takandi á áliti fólks, sérstaklega í óreyndu efni.

meira...

5. janúar 2012 14:31

Félagsmálin hefjast fimmtudagskvöldið 12. janúar kl 19:30

Breytingar á tíma félagsmálakvölda

Ákveðið hefur verið að tími félagsmálakvölda breytist frá og með nýliðnum áramótum. Þau verða áfram á fimmtudagskvöldum eins og verið hefur en nú munu þau hefjast kl 19:30 (hálf átta) og standa til 21:30 (hálf tíu). Eindregin vilji forledra til þessara breytinga kom fram á aðalfundi foreldrafélagsins s.l. haust og þar kom einnig fram vilji til þess að einungis 7. til 10. bekkur eigi rétt til mætingar á félagsmálakvöld. Fyrirhugað er að þær breytingar taki gildi á næsta skólaári.

meira...

5. janúar 2012 12:21

Miðsvetrarmatið á næsta leiti

Skólastarfið komið í fullan gang

Nú er skólastarfið í Stórutjarnaskóla komið í fullan gang að nýju eftir jólafríið. Ekki er annað að sjá en nemendur komi endurnærðir til leiks, fullir orku og vinnusemi. Framundan eru miðsvetrarprófin en þau fara að mestu fram vikuna 16. til 20. janúar. Því er eins gott að vakna nú þegar til lífsins og snúa sér af fullri einurð að námsefninu, það mun skila sér til framtíðar.

meira...

2. janúar 2012 21:35

Jólafríi að ljúka

Senn lýkur jólafríi og hversdagurinn tekur við að nýju. Kennsla í Stórutjarnaskóla hefst að nýju miðvikudaginn 4. janúar kl 8:30 í öllum deildum. Skólastarf í Bárðargili hefst sama dag kl 8:00.

meira...

17. desember 2011 09:29 (2 lesendur hafa sagt álit sitt)

Litlu-jólin afstaðin

Allir komnir í jólafrí

Nú eru allir nemendur Stórutjarnaskóla komnir í jólafrí. Síðasti skóladagurinn, 16. desember, var með sérstöku sniði, hann hófst kl 11 með því að nemendur áttu góða stund með umsjónarkennurum sínum í stofum. Þar var skipst á jólakortum og pökkum, auk þess sem allir hlustuðu á jólasögur. Síðan var snæddur hátíðarverður í matsalnum og undir borðum ræddi sr. Bolli við viðstadda og setti jafnframt upp stutta en skemmtilega spurningakeppni. Loks voru afhentar möndlugjafir, en það er hefð að hafa möndlu í eftirréttinum.