20. október 2022 11:40

Bleiki dagurinn

Í október eru landsmenn hvattir til að sýna stuðning við þá sem greinast með krabbamein og aðstandendum þeirra með því að klæðast bleiku og hafa bleikt í fyrirrúmi. Bleiki dagurinn var síðastliðinn föstudag 14. október. Við ákváðum að þessu sinni að hafa bleikt í fyrirrúmi þrjá daga eða 12. -14. okt. Rætt var við nemendur um krabbamein og kom í ljós að við þekkjum öll einhverja sem greinst hafa með krabbamein. Nemendur föndruðu og skreyttu skólann með bleiku og flestir klæddust einhverju bleiku þessa daga. Við fengum bleikar bollur í morgunmat og einn morgun var mjólkin bleik sem vakti óneitanlega mikla athygli.