28. ágúst 2020 10:37

Laxárdalur í flugnageri

Skólinn kominn í fullan gang

Skólastarfið í Stórutjarnaskóla fór af stað þriðjudaginn 25. ágúst s.l.  Þann dag mættu nemendur kl 9:30 á sal skólans þar sem skólastjóri sagði nokkur orð og setti skólann.  Síðan gengu allir í stofur sínar og hittu umsjónarkennara.  Einungis foreldrar nýnema mættu með börnum sínum, en lögð er áhersla á að aðrir en þeir sem eiga erindi í skólann haldi sig utan skólans en hafi heldur samband símleiðis eða eftir öðrum tæknilegum leiðum.

Í gær, miðvikudaginn 26. ágúst fóru allir nema allra yngstu nemendur leikskólans í heljarinnar gönguferð frá Brettingsstöðum í Laxárdal niður að Ljótsstöðum.  Þetta var fín og skemmtileg ferð sem endaði með því að allir fengu ís á Fosshóli.  Í dag, fimmtudaginn 27. ágúst hefur svo verið hefðbundið skólahald samkvæmt stundaskrá.  Skólastarfið í Stórutjarnaskóla hefur því verið fjölbreytt þessa fyrstu daga og farið vel af stað. Myndir hér.

Myndir: jr

Til baka

yfirlit frétta