31. ágúst 2021 10:21 (1 lesandi hefur sagt álit sitt.)

Sólarströnd og fossar

Skólabyrjun

Stórutjarnaskóli var settur 23. ágúst. Nemendur, foreldrar og starfsfólk komu saman úti á leiksvæði skólans þar sem nýr skólastjóri hélt sína fyrstu setningarræðu og umsjónakennarar afhentu foreldrum sinna nemenda stundaskrár. Samkoman var hin ágætasta þar sem fólk spjallaði saman og lék sér í dágóða stund.

Á þriðjudagsmorgun hófst skóli samkvæmt stundaskrá. Nemendur mátuðu sig í sína heimastofu í eitthvað breyttum hópum. Á miðvikudag og fimmtudag voru óhefðbundnir skóladagar. Gengið var með nemendur niður að Ljósavatni á þriðjudaginn og leikið þar í og við vatnið frá hádegi til skólaloka þann dag. Eldri nemendur leikskóladeildar fengu þó far báðar leiðir.

Á miðvikudag var svo farið með skólabílum upp að Stórutungu í Bárðardal og gengið um Aldey. Hlýtt var en dálítill vindur. Báða þessa daga nutu nemendur og kennarar samverunnar í góðu veðri og dásamlegu umhverfi. Allir nemendur eiga mikið hrós skilið fyrir dugnað og þeir eldri sérstaklega fyrir hjálpsemi þar sem þeir aðstoðuðu þá yngri á ýmsa vegu. Að sögn kennara var áberandi hvað nemendur voru glaðir og jákvæðir þessa fyrstu viku.

Myndir:

Skólasetning

Ljósavatn

Aldey

Myndir: jr

Til baka

yfirlit frétta