10. janúar 2023 16:04

Litlu-jól

Litlu-jól Stórutjarnaskóla voru haldin föstudaginn 16. desember. Allir komu prúðbúnir í skólann þann dag og að venju var byrjað á samverustund í heimastofum með umsjónakennara þar sem lesin var jólasaga og skipst var á pökkum og kortum. Að samverustund lokinni var hátíðarmatur í matsal, að þessu sinni var það hamborgarahryggur og meðlæti og ís með möndlu á eftir.

Hefð er fyrir því að tíundubekkingar beri fram ísinn. Möndluverðlaun voru veitt, en mandla var falin í einni ísskál í hverjum námshópi. Þá þakka allir Jóhönnu og Guðbjörgu fyrir matinn og færa sig yfir í íþróttasalinn sem búið er að jólaskreyta. Tómas Karl las jólaguðspjallið og séra Hafdís Davíðsdóttir, nýji presturinn okkar las jólasögu. Dansað og sungið var kringum jólatréið við undirspil Ármanns og jólasveinar komu og brugðu á leik. Að lokum var „Heims um ból“ sungið áður en haldið var í jólafrí. Myndir hér.

Myndir: jr

Til baka