8. febrúar 2023 09:33

Dagur leikskólans

Mánudaginn 6. febrúar var dagur leikskólans. Þennan dag árið 1950 stofnuðu frumkvöðlar leikskólakennara sín fyrstu samtök, Barnavinafélagið Sumargjöf. Markmið dagsins er að stuðla að jákvæðri umræðu um leikskóla og beina athygli samfélagsins að faglegu starfi sem þar er unnið á hverjum degi.

Leikskólinn Tjarnaskjól hefur verið svo heppinn að fá stuðning frá samfélaginu hér í kring, meðal annars með peningagjöfum í tilefni af 50 ára afmæli Stórutjarnaskóla frá Kvenfélagi Ljósvetninga og Fnjóskdæla. Fyrir þann pening fjárfesti leikskólinn í flottu ljósaborði ásamt hinum ýmsu kubbum sem hægt er að nota fyrir það. Einnig var fjárfest í segulkubbum og kúlubrautum ásamt trékubbum og kubbavagni fyrir yngri aldurshópinn. Þessar gjafir hafa reynst okkur afar vel og auðgað leik barnanna. Hin ýmsu ævintýri skapast í kubbaleiknum og ný býli, hallir eða önnur mannvirki eru meðal þess sem verður til í leik barnanna. Með ljósaborðinu er hægt að leika með hin ýmsu form, liti, ljós og skugga. Við þökkum kærlega fyrir þessar gjafir og getum með sanni sagt að þau hafa nú þegar reynst frábær viðbót við starfið hjá okkur. Myndir hér.

Til baka