2. júní 2010 11:00 (1 lesandi hefur sagt álit sitt.)

Skólaslit

Í gærkveldi var Stórutjarnaskóla slitið við hátíðlega athöfn í sal skólans.  Að þessu sinni útskrifuðust fimm nemendur úr 10. bekk og þrír úr leikskóla.  Kvenfélagskonur afhentu útskriftarnemum „praktískar“ gjafir að venju og Þórarna Ólafsdóttir hlaut viðurkenningu danska sendiráðsins fyrir bestan árangur í dönsku. Tíundubekkingar þökkuðu fyrir sig með ávörpum og gjöfum.

Að þessu sinni láta þrír starfsmenn Stórutjarnaskóla af störfum.  Agnes Guðbergsdóttir fer í launalaust leyfi, Hólmfríður Rúnarsdóttir fer í námsleyfi og Guðný Marinósdóttir hyggst hætta kennslu hér við skólann.  Við þökkum þessu ágæta fólki fyrir vel unnin störf.

 
Ólafur Arngrímsson skólastjóri fjallaði í ræðu sinni m.a. um fjölbreytt hlutverk einstaklinganna í samfélaginu og mikilvægi þess að hver og einn leggi sig fram í sínu hlutverki hverju sinni - það sé í raun leiðin til farsældarinnar.

Að venju voru skólaslitin vel sótt og gátu gestir skoðað sýnishorn af handverki nemenda og fengu svo ís og ávexti í matsalnum. 
 

Til baka

yfirlit frétta