29. október 2020 15:45

Ís og annað „heilsufæði“

Þegar „gamla“ umhverfis- og lýðheilsunefnd nemenda lauk störfum

Á síðasta starfsári var margt með breyttu sniði í starfsemi skólans vegna covid 19 veirunnar. Minna varð úr starfi nemenda í umhverfis- og lýðheilsunefndinni en til stóð, umhverfis- og lýðheilsuþinginu var frestað og enn er óljóst hvenær hægt verður að halda það þing. Engu að síður hefur nefndin sem kosin var starfsárið 2019 – 2020 haldið áfram sínum störfum og unnið að úrvinnslu og kynningu á lýðheilsukönnun sem framkvæmd var í jan/febr 2020. En miðvikudagurinn 28. okt. var formlega þeirra síðasti dagur og því fengu nemendur umbun að venju fyrir þeirra vinnuframlag í nefndinni.

Eftir lauslega könnun meðal nemenda var það gamli, góði ísinn sem stóð þeim til boða í lok dagsins. Ekki bar á öðru en að allir kynnu vel að meta og áttu saman bragðgóða samverustund.
Það reynir á margt nýtt og öðruvísi verkefni þegar starfað er í svona nefnd og fyrir það var börnunum vel þakkað í lokin. Myndir hér.

Til baka