21. desember 2020 09:49

Litlu-jól 2020

Á jólunum er gleði og gaman

Litlu-jólin í Stórutjarnaskóla voru haldin föstudaginn 18. desember.  Fyrst fóru nemendur í heimastofur og áttu þar notalega stund með umsjónarkennurum.  Að því loknu var snæddur jólahátíðarmatur í matsalnum, Londonlamb og ís í desert, en í hann hafði verið laumað möndlu fyrir hvern námshóp skólans.  Möndlugjafirnar í ár voru samkvæmt venju bækur og voru þær afhentar möndluhöfum í lokin.

 
Að máltíð lokinni var gengið í fagurlega skreyttan salinn, en þar trónir  fallegt jólatré, sem skógræktin á Vöglum gaf skólanum.  Guðrún Karen í 10. bekk las jólaguðspjallið en síðan var dansað í kringum jólatréð auk þess sem jólasveinar litu í heimsókn, sem dönsuðu og sungu með börnunum og gáfu þeim svo mandarínur.
 

Nú eru nemendur og starfsólk komin í jólafrí en kennsla hefst á nýju ári mánudaginn 4. janúar kl. 8:30. Myndir hér.

Myndir: jr

Til baka

yfirlit frétta