Fundargerðir Umhverfis- og lýðheilsunefndar 2017-2018  

Fundargerð 6. fundar umhverfis- og lýðheilsunefndar 3. apríl 2018

Mættir: Óli, Sigrún, Jónas fulltrúi frá skrifstofu Þingeyjarsveitar, Hanna Berglind, Anita, Birna, Inga María, Arndís Björk, Guðrún Karen, Albin, Sigmar og Heiða.

1.      mál: Hlutfall endurnýtanlegs úrgangs og merking á gámum. Ólafur gerði grein fyrir flokkunarmálum. 27% af okkar sorpi fer til endurvinnslu. Markmið næsta árs er að bæta þennan árangur. Búið er að merkja endurvinnslugáminn. Fulltrúar nemenda tóku að sér að útskýra málið fyrir öðrum nemendum.

2.      mál: Átta loftslagsaðgerðir sem allir geta tekið sér til fyrirmyndar, sjá veggspjald á bláu töflu. Sigrún gerði grein fyrir þessu veggspjaldi frá Vistorku og fleirum.

3.      mál: Skipulag og undirbúningur fyrir umhverfis- og lýðheilsuþingið 17. mars. Ákveðið var að nemendur í U og L nefndinni ásamt Sigrúnu tækju að sér að vinna úr tölum í matarsóunarverkefninu og 6. – 8. bekkur ásamt Siggu náttúrufræðikennara og Nönnu færu í gegnum niðurstöður á mælingu á vistheimt frá í haust.

4.      mál: Dagskrá þingsins: Sigrún lagði fram tillögu að dagskrá:

Kl.13:10   Setning - Ólafur skólastjóri. Tónlistaratriði: ath

Kl 13:15  1. Atriði: Matarsóunarrannsóknin

Kl 13: 25  2. Atriði: Rannveig Magnúsdóttir

Kl 13:50 3. Atriði: Vistheimtarverkefni, 6. - 8. bekkur (Nanna)

Kl 14:10 Hlé -  kaffi, te, vatn, ávextir

Kl 14:20 Tónlistaratriði, fjöldasöngur

Kl 14:25 4. Atriði: Barnasáttmálinn. Þórarna Ólafsdóttir

KL 14:40 5. Atriði Þingeyjarsveit, heilsueflandi samfélga  Gunnhildur Hinriksdóttir

Kl 14:55 6. Atriði: Símakönnun Sigrún

Kl. 15:05 Fyrirspurnir og umræður

Kl 15:15 Tónlistaratriði,

Kl 15:20: Þingslit, nem. í 10. bekk

5.      Leiðtogaverkefni elsta hópsins í allsherjarstund. Aníta sagði frá þeirri tilraun sem gerð var og talið að hafi tekist vel. Anita leggur til að svipað fyrirkomulag verði reynnt síðar í skólastarfinu. Fulltrúar nemenda tóku að sér að kanna hvernig nemendum hafi líkað þetta efni.

Önnur mál:  

Hanna Berglind benti á bók sem til er á bókasafninu og heitir Rúnar góði, en sú bók fjallar um réttindi barna og er talin góður grunnur fyrir erindi sem flutt verður á þinginu.

Sigrún sagði frá því að elstu nemendur ásamt Siggu náttúrufræðikennara sínum væru að vinna verkefni um orku og loftslagsbreytingar og vonast væri til að hægt verði að senda það verkefni í samkepnina um Varðliða umhverfisins.

Fimmti fundur umhverfis- og lýðheilsunefndar 27. febrúar 2018

Mættir. Ólafur, Dagbjört sveitarstjóri, Elín fulltrúi foreldra, Hanna Berglind, Lára, María og Gísli Berg (1. Varamaður Arndísar), Rannveig, Inga María, Gunnar (2. varamaður Arndísar), Albin, Arney (varamaður Sigmars) og Sigrún.

1.      mál: Rafhlöðu-söfnunarpakkar. Nemendum á fundinum falið að deila út söfnunarpökkum á öll heimili og víðar eftir óskum.

2.      mál: Umhverfis- og lýðheilsuþingið. Hugmyndir að dagskrá: a) Heilsueflandi stefna í sveitarfélaginu, Gunnhildur Hinriksdóttir nýráðinn verkefnastjóri segir frá. B) Matarsóunarrannsóknin, nemendur geri grein fyrir niðurstöðum. C) Niðurstöður úr fyrstu vistheimtarrannsókninni, 5., 6. og 7. bekkur.  D) Einhver geri grein fyrir símakönnun nemenda. E) Barnasáttmáli sameinuðuþjóðanna, Þórarna Ólafsdóttir. F) Fyrirlestur frá Landvernd, Rannveig Magnúsdóttir

a)      Tónlistaratrið. Yngribarnakór mun flytja lög úr leikritinu: Lifandi skógur en eftir er að ákveða lag fyrir fjöldasöng. Óskað eftir hugmyndum og stungið var upp á: Ég á lítinn, skrýtinn skugga, með lagi eftir Gunnar Þórðarson. Nemendum falið að leita eftir frekari hugmyndum.

3.      mál: Spurningunni hvernig er auðveldast að vinna úr rannsóknarverkefnunum var vísað inn á kennarafund.

4.      mál: Sigrún spurði sveitarsjóra að því hvort til væri samgönguáætlun í Þingeyjarsveit. Hún sagði svo ekki vera en sagði að þetta mætti skoða, t.d. með tilliti til opnu húsa eldriborgara.

5.      Mál. Sigrún lagði fram til kynningar tvo nýja bæklinga frá Landvernd, Á grænni grein  og Vistheimt á gróðursnauðu landi.

Fleira ekki

Ritari í bók Ólafur Arngrímsson

Ritari á neti Sigrún Jónsdóttir

Fjórði fundur umhverfis- og lýðheilsunefndar 30. janúar 2018

Mættir: Ólafur, Elín aðalfulltrúi foreldra, Dagbjört sveitarstjóri, Albin, Sigmar, Birna, Hanna Berglind, Arndís Björk, Lára og Sigrún. (Nemendur í 7. – 10. bekk fjarverandi vegna vettvangsferðar).

1.     mál: Orkuþema. Sigrún gerði grein fyrir þeirri vinnu sem hefur farið fram meðal nemenda og kennara við undirbúning orkuverkefna.

2.     Skipulag allsherjastunda lagt fram og kynnt. Búið er að gera skipulag fram á vor, bæði fyrir allar allsherjarstundir og einnig skipulag fyrir verkefni hópa þegar fundað er í umhverfis- og lýðheilsunefndinni. Þar er m.a. gert ráð fyrir þemavinnu í orkumálum með elstu nemendur sem leiðtoga.

3.     mál: Umhverfis- og lýðheilsuþingið 17. April nk. Fyrstu þreifingar á fyrirlestrum.  Talað var við Rannveigu Magnúsdóttur hjá Landvernd strax í haust. Einnig hefur komið til tals að fá Þórörnu Ólafsdóttrmeð umfjöllun um barnasáttmála sameinuðuþjóðanna. Nemendur þyrftu að gera grein fyrir vinnu við orkuþema og þeirri matarsóunarmælingu sem nú stendur yfir og loks nefndi Dagbjört að hugsanlega mætti segja frá heilsueflandi hugmyndum á vegum sveitarstjórnarinnar. Það mun skýrast er nær dregur.  

4.     mál: Matarsóunarverkefnið í gangi í þriðja sinn. Enn er verið að vigta afganga, sú mæling mun standa yfir til 20. febrúar.

5.     mál: Símanotkun nemenda í skólanum. Er hægt að gera könnun? Rætt var fram og aftur um símanotkun nemenda og flestir hölluðust að því að gott væri að gera könnun meðal nemenda í skólanum um notkun síma í skólanum og í skólabílunum.

Önnur mál

Engin

Þriðji fundur umhverfis- og lýðheilsunefndar 14. nóvember 2017

Mættir: Ólafur, Elín aðalfulltrúi foreldra, Albin, Birna, Hanna Berglind, Aníta, Inga María, Rannveig, Arndís Björk, Aðalheiður og Sigrún.

1.      mál: Fjórði Grænfáninn. Afhending 16. nóvember. Von er á Eyrúnu Gígju kennara í MA til að afhenda fána og skilti. Ákveðið að nemendur veiti honum móttöku og Sigrún verður til aðstoðar. Skólinn fær nú í fyrsta sinn skilti til að festa á húsvegg en fáninn verður dreginn að húni á hátíðar og tyllidögum.

2.      mál: Orkan aðgerðaráætlun: Sigrún lagði fram eyðublað fyrir aðgerðaráætlun í vinnu skólans í orkuþema. Ákveðið að nýta tíma í allsherjarstund í næstu viku til að fylla út markmið, leiðir og annað. Einnig lagði Sigrún fram til skoðunar nokkra gátlista Landverndar sem búið er að fylla út en nemendur hafa nú fyllt út lista varðandi þau þemu sem búið er að vinna að í Grænfánaverkefninu. Það eru listar um loftslagbreytingar og samgöngur, orku og vatn,  neyslu og úrgang og náttúruvernd. Fundarmenn lýsti yfir ánægju með hve upplýsandi þessir gátlistar væru og fræðandi.

3.      mál: Fjallið heima; myndatökur í október af snjóalögum o.fl. Staðan er þannig að aðeins 8 nemendur hafa skilað inn mynd nú í október en vitað er að nokkrir eiga myndirnar í sínum snjalltækjum en hafa ekki komið þeim á framfæri. Nemendum í nefndinni falið að ýta við félögum sínum að koma myndunum með einhverjum hætti í hendur Jónasar tæknimanns. Til samanburðar skiluðu 12 nemendur inn myndum  árið 2016 og 25 skiluðu inn árið 2015.

4.      mál: Könnun: Hversu grænt er heimili þitt. Sigrún lagði fram eyðublað sem hún vann upp úr bókinni Græna handbókin fyrir unga neytendur eftir John Elkington og Julia Hailes. Þar geta nemendur skoðað með sínum fjölskyldum hvernig staða heimilisins er í 19 umhverfisvænum liðum og talið saman stigafjölda að lokum. Tilgangurinn er að fá fjölskyldur til að skoða saman hve grænar þær eru í umhverfistengdum málum.

Önnur mál

            Ekki vannst tími í önnur mál

Fundargerð í bók, Ólafur Arngrímsson

Fundargerð á neti Sigrún Jónsdóttir

Fundargerð 2. fundar umhverfis- og lýðheilsunefndar 17. október 2017

Mættir: Ólafur, Elín aðalfulltrúi foreldra, Sigmar, Albin, Birna, Hanna Berglind, Aníta, Inga María, Rannveig, Arndís Björk, Aðalheiður, Ósk og Sigrún.

1.      mál: Nemendur sögðu frá heimsókn Katrínar Magnúsdóttur frá Landvernd 5. okt. vegna umsóknar um 4. Grænfánann. Þeir ræddu við Katrínu sem spurði út í eitt og annað úr skýrslunni og lýsti hún sig ánægða með margt sem við gerðum. Töldu nemendur að við ættum von á 4. Grænfánanum og lagt verður til að fá hann afhentan í menningarstund 21. nóvember í tengslum við dagskrá vegna dags íslenskrar tungu.

2. mál: Orkan aðgerðaráætlun: Orkan verður leiðandi þema í Grænfánavinnu í vetur og í samtali hjá Katrínu Magnúsdóttir var eitt sem vantaði upp á í þemavinnunni og það var að búa til aðgerðaráætlun samkvæmt skema Landverndar. Nú er skeminn tilbúinn og verður farið að vinna með niðurstöður nemenda frá þjóðfundi 19. sept. sl. en þá var kallað efftir hugmyndum þeirra í vinnunni um orku. Sjá niðurstöður:

Niðurstöðu þjóðfundar um orkuverkefni 19. sept. 2017
Flokkar	Hugmyndir - verkefni
Verkefni og tilraunir	Skoða vatnsrafstöð - hversu mikil orka er í vindi - skoða rafmagn úr sólarorku - hvernig notum við rafmagn - rafmagnsverkefni - orku hreyfingar tilraunir - búa til rafmagn með okkur sjálfum - tækni til að framkalla orku - læra um hitaveituna okkar - hvaða orka er í útlöndum - tilraunir með hreyfingu og orku
Orka	Vindorka - rafmagn sem orkugjafi - varmaorka - sólarorkan - hreyfiorkan - orka til að hlaða raftæki - orkuver - orkugeymslur -
Eldgos	eldgos
Næring og svefn	Vítamín - sykur - kaloríur - matur - fæðan - svefn -
Vatn, sól og vindur	Kalt- og heitt vatn - vatn - elding - vindur - sólin - eldur - sprenging - hljóð - leiðaðar og eingranir - jörðin (kjarninn)
Bílar og tæki	Bílar - rafmagnsbílar - reiðhjól - spara bensín - spara rafmagn - bensín og dísilbílar - rússibani - tölvur - raftæki
Hreyfing	Hlaup - útivera- fótboltaleikur - hreyfing - íþróttir - rækt -
Ljós	ljósaperur - ljóstillífun -
Sparnaður	slökkva ljós - spara símaorku - spara raforku -

3. mál: Fjallið heima; myndatökur í október. Hægt gengur að fá nemendur til að taka mynd af „fjallinu heima“. Nokkrir hafa komið í verk að mynda en færri að senda hana frá sér. Fram kom hugmynd um að gera sýnilegri þær myndir sem þegar eru komnar, annað hvort á heimasíðunni eða útprentað. Málið sett í athugun.

4. mál: Nemendur hafa verið að fylla út gátlista Landverndar varðandi stöðu okkar á þemaverkefnum og búið er að fylla út „Neysla og úrgangur“. Í dag er verið að fylla út i gátlista um „Náttúruvernd“ . Haldið verður áfram við þessa vinnu eftir því sem tækifæri gefast.

Önnur mál: Rætt var lauslega um staðsetningu á sáttmálamyndinni, einhverjar hugmyndir höfðu komið fram um aðrar staðsetningar en ákveðið að sjá til lengur með þá sem fyrst var valin.

Fundi slitið 15:20.

Ritari á neti: Sigrún
 

Fundargerð 1. fundar umhverfis- og lýðheilsunefndar 26. september 2017

Mættir voru: Sigrún, Heiða, Sigurlína Tryggvadóttir, Þórunn, Arndís, Inga M., Marika, Óli, og Anita. Hanna Berglind, Sigmar, Albin og Birna komu á fundinn undir 2. lið

1.       mál: Kynning fyrir nýja nemendur í nefndinni, tilnefna ritara.

Sigrún gerði nýjum fulltrúum grein fyrir starfinu og tilnefndi Ólaf skólastjóra ritara.

2. mál: Verkefni í vetur, hugmyndir.
Væntanlega verður tekið við 4. Grænfána landverndar á haustdögum. Fjallið heima; ljósmyndaverkefni. Plastpokanotkun, plastpokasýning, hve mikið notum við. Koma moltu í verkefni. Orkuverkefni ýmiskonar  og lýðheilsuþing 17. apríl. Hvað fleira?

3.       mál:  Grænfáninn, höfum við gert nóg? Heimsókn Katrínar Magnúsdóttur 5. október og úttekt vegna grænfánaumsóknar. Katrín mun hitta nemendanefndina og ganga um skólann. Hún verður á ferð frá Vopnafirði og er væntanleg um kl 14. Tökum vel á móti henni.

4.       mál: Fjallið heima; myndatökur í fyrstu viku í október af snjóalögum o.fl. framhald á myndatökum af því fjalli sem hver og einnn velur sér heima. Ætlast er til að nemendur taki mynd árlega um mánaðarmót sept-okt og ekki seinna en í lok fyrstu viku í október.  Tilgangurinn er að  fá samanburð á milli ára, litir, snjóalög og kannski fleira. Einnig að skerpa athygli nemenda á nærumhverfi sínu.

5.       mál: Orkan, nýtt þema. Unnið að því sem víðast og markvisst í allsherjarstundum. t.d. tengt matarsóun, rafmagnsverkefni með vatnstúrbínu m.m., orkumyndbönd, fræðsla og rannsóknir.

6.       Listaverk umhverfis- og lýðheilsu komið upp á vegg. Nemendur fengu það verkefni að leita eftir áliti hópafélaga sinna, hvort allir hefðu tekið eftir myndinni og væru sáttir við staðsetninguna. Fram kom hugmynd um að stækka upp sáttmálann og setja upp á vegg í forstofunni.

Önnur mál:

Fundað var í nýrri fundaraðstöðu á bókasafninu og voru fundarmenn ánægðir  með staðsetningu.