Klæðnaður

Leikskólataskan:

Útifatnaður

Klæðnaður barnanna þarf að vera í samræmi við veðurfar og hafa ber í huga að veður getur
breyst snögglega. Þar sem við förum daglega út og jafnvel tvisvar þá hafa oft orðið breytingar á veðrinu og/eða hitastigi.

Einnig er mikilvægt að hafa í huga að útiföt og skófatnaður séu af passlegri stærð. Lítil og þröng föt koma í veg fyrir að þau geti hreyft sig auðveldlega, því í útiveru eru grófhreyfingarnar í stöðugri þjálfun. Eins geta alltof stór föt og skór/stígvél verið til trafala. Börnin eiga líka auðveldara með alla sjálfshjálp, að klæða sig í og úr þegar fötin eru þægileg.

Merkja skal föt barnanna á greinilegan hátt.

Hér má sjá lista yfir það sem gott er að eiga til fyrir leikskólatöskuna.

Útiföt

• Pollagalli, ágætt að hafa ófóðraðan og þá frekar hlýjar buxur og peysu undir ef kalt er, pollagallar henta best meðan það rignir og/eða þegar miklir pollar eru.

• Hlífðarföt, hlífðarföt eru mun hentugri þar sem þau eru hlýrri og notalegri fatnaður, plastið í pollagallanum verður svo kalt og svo sagga þeir að innan.

• Kuldagalli

• Hlý peysa

• Hlýjar buxur undir pollagalla ef pollagallinn er ekki fóðraður

• Hlý húfa

• Ullarsokkar

• 2 -3 pör af vettlingum

• Kuldaskór/kuldastígvél yfir vetrartímann

• Stígvél

• Strigaskór yfir sumartíman

• Létt húfa eða buff yfir sumartímann.

Aukaföt

• 1-2 nærbuxur /samfellur

• 1 nærbolir

• 2 pör af sokkum eða sokkabuxum

• 2 buxur

• 1 bolur

• 1 peysa

Gott að fylgjast með hvað fer úr töskunni og koma með aftur ef það fer heim.

Ath. Gott er að hafa 1-2 taupoka fyrir blaut föt og annað sem þarf að fara með á milli heimilis og skóla.