Danssýning og dagskrá í tilefni af Degi íslenskrar tungu og fullveldi Íslands verður n.k. föstudag 29. nóvember kl. 13:00. Fluttar verða nokkrar rímur, sungið lag og veggspjöld sýnd. Allir hjartanlega velkomnir :)

Árshátíð 2024 Árshátíð Stórutjarnaskóla var haldin föstudagskvöldið 8. nóvember. Sýnd voru verkin Kalli á þakinu og Lína langsokkur eftir Astrid Lindgren. Nemendur stóðu sig með miklum sóma. Í undirbúningi fyrir árshátíð leggja nemendur og starfsfólk sig öll fram og að vanda skilar það okkur glæsilegri árshátíð. Þó svo að kvíði og stress geri vart við sig hjá einhverjum stoppar það ekki nemendur í að koma flóknum og erfiðum texta til skila og syngja af innlifun fyrir fullu húsi. Að lokinni sýningu var dýrindis veisla í matsalnum, sjoppan opin og dansað í íþróttasal. Allur ágóði af árshátíð rennur í ferðasjóð nemenda og þökkum við kærlega fyrir stuðninginn. Skólastjóri

Heimferð nemenda grunnskóladeildar og þeirra leikskólabarna sem nýta skólabíl er kl. 12:20 í dag vegna veðurs. Leikskóladeild er opin til 16.

Sýnd verða tvö verk eftir Astrid Lindgren. Aðgangseyrir er 3000 krónur og er kaffi að lokinni sýningu innifalið. Sjoppa verður opin eftir sýningu og rennur allur ágóði árshátíðarinnar í ferðasjóð nemenda. Enginn posi er á staðnum. Allir hjartanlega velkomnir. Nemendur og starfsfólk Stórutjarnaskóla