Nemendur og starfsfólk Stórutjarnaskóla fengu nýverið styrk úr Erasmus+ áætlun Evrópusambandsins til að vinna að alþjóðlegu ungmennaverkefni sem ber nafnið „We – Við – Meie“. Verkefnið er leitt af Sigríði Árdal og Marika Alavere í samstarfi við nemendur í 8.–10. bekk, og í september mun hópurinn taka á móti tíu ungmennum og kennurum þeirra frá Eistlandi. Meginhluti verkefnavinnunnar fer fram í Stórutjarnaskóla, en einnig er fjölbreytt dagskrá fyrirhuguð þar sem þátttakendur munu meðal annars fara í vettvangsferðir um sveitarfélagið og kynnast náttúru og menningu Þingeyjarsveitar. Markmið verkefnisins eru meðal annars að efla sjálfstraust og leiðtogahæfni ungmenna, vekja þau til umhugsunar um sjálfbæran lífsstíl og framtíð jarðar og stuðla að alþjóðlegri samvinnu og vináttu. Þessi sami hópur vann að Erasmus+ verkefni í september síðastliðnum í Eistlandi sem hét Eye-Ég-Mina og er nýja verkefnið framhald af því verkefni. Má því búast við mikilli gleði í haust þegar ungmennin hittast aftur. Við hlökkum til að fylgjast með verkefninu, en því lýkur með opnum viðburði í Stórutjarnaskóla þar sem afrakstur vinnunnar verður kynntur.

Laus staða í Stórutjarnaskóla í Þingeyjarsveit

Sundlaug Stórutjarnaskóla er lokuð frá 2. júní til 15. ágúst.

Skólaslit verða föstudaginn 30. maí

Í fyrsta skipti fóru nemendur frá okkur til höfuðborgarinnar á Samfés. Það fóru 7 nemendur úr 8., 9. og 10 bekk, umsjónarmaður félagsmiðstöðva í Þingeyjarsveit fór með þeim í ferðina.

Vortónleikar nemenda Stórutjarnaskóla verða haldnir í sal skólans miðvikudaginn 30. apríl kl. 16:00 Fjölbreytt dagskrá Ókeypis aðgangur Kaffisala til styrktar ferðasjóði nemenda að loknum tónleikum Kaffi og með því fyrir fullorðna kr. 3000, fyrir börn á grunnskólaaldri kr. 1000 og frítt fyrir 5 ára og yngri Ath. enginn posi á staðnum Allir velkomnir

Skólinn okkar

Umhverfis- og lýðheilsuþing Stórutjarnaskóla 2. apríl 2025 kl. 13:30 Skiptir þessi útivera einhverju máli? Framtíðin er í náttúrunni Sabína Steinunn MA í íþrótta- og heilsufræðum heldur fyrirlestur um mikilvægi útiveru fyrir sál og líkama Nemendur segja frá uppáhaldsstöðum í nær samfélaginu og örnefni verða merkt á loftmyndir Allir hjartanlega velkomnir!! Nemendur og starfsfólk Stórutjarnaskóla

Gefin hefur verið út rauð viðvörun fyrir allt landið frá kl. 17:00 í dag og stóran hluta dagsins á morgun, því fellur skólahald niður í öllum deildum skólans á morgun, fimmtudaginn 6. febrúar. Skólastjóri